MAKTAB TA’LIMI VA ISHLAB-CHIQARISH INTEGRATSIYASINI INNOVATSION BOSHQARUV ASOSIDA TASHKIL ETISH MEXANIZMLARI

Аннотация

Maqolada maktab ta’limi va ishlab-chiqarish integratsiyasini innovatsion boshqaruv asosida tashkil etish mexanizmlari, oʻquvchilarni kasbga yoʻnaltirishda ta’lim va ishlab-chiqarish integratsiyasini tashkil etishning tashkiliy xususiyatlari, oʻquvchilarni kasbga yoʻnaltirishning zamonaviy shakllari ilgari surilgan. Zamonaviy dunyoda, inson kapitali ta’sirining oʻsishi bilan bir qatorda, jamiyatning yangi sifatini shakllantirishning eng muhim omili sifatida ta’limning ahamiyati ortib bormoqda. Ma’lumki, jahonda zamonaviy ta’lim tizimining asosini sifatli va yuqori texnologiyali muhit tashkil etadi. Uning yaratilishi va rivojlanishi texnik jihatdan murakkab, shu bilan bir qatorda bunday muhit ta’lim tizimini takomillashtirishga, ta’lim jarayoniga axborot kommunikatsiya texnologiyalarini joriy etishga xizmat qiladi. Ushbu zamonaviy ta’lim tizimini shakllantirish, yangi texnalogiyalarni tizimga tadbiq qilish malakali kasb-hunarga ega boʻlgan mutuxassis-kadrlarga bogʻliq boʻlib qolmoqda. Dunyoda inson omili va kapitali, qobiliyati va salohiyatidan innovatsiyalar joriy qilish asosida samarali foydalanish raqamli boshqaruv tizimi va axborot kommunikatsiya vositalari shakllanayotgan bugungi kunda, ayniqsa, oʻquvchi-yoshlarni kasbga yoʻnaltirish va uni samarali boshqarish boʻyicha mutaxassis-kadrlar tayyorlashning pasayib borishi oqibatida davlatlarning rivojlanishdan ortda qolishiga sabab boʻlmoqda. Shuningdek, ta’limda ixtisoslashtirishning ilmiy asoslangan tizimi joriy qilinmaganligi, ta’lim tarmoqlarida moddiy-texnik va innovatsiya tizimining qoniqarsiz ahvolda ekanligi, kasbga yoʻnaltirishda innovatsion boshqaruv faoliyatining tashkiliy-metodologik asoslari toʻliq ishlab chiqilmaganligi, oliy ma’lumotli professional pedagog kadrlar tayyorlaydigan OTM, ularning malakasini oshirish va qayta tayyorlovchi muassasalar oʻrtasidagi integratsion munosabatlardagi muayyan muammolarning yuzaga kelishi natijasida xalq ta’limi tizimida oʻquvchilarni kasbga yoʻnaltirishda innovatsion boshqaruv faoliyatining ahamiyati oshib bormoqda.